विराटनगर । फागुन २१ गते हुने निर्वाचन बहिष्कारको अभियानमा लागेको भन्दै प्रहरीले २ जनालाई पक्राउ गरेको छ । प्रहरीले इटहरीबाट क्रान्तिकारी कम्युनिस्ट पार्टी नेपालका दुई जना नेतालाई पक्राउ गरेको हो ।
प्रहरीका अनुसार पार्टीका १५ नम्बर ब्युरो इन्चार्ज सिताराम बुढाथोकी र सोही ब्युरोका सचिव डिल्ली बोहोरालाई पक्राउ गरेको हो ।
कोशी प्रदेश प्रहरी कार्यालय, जिल्ला प्रहरी कार्यालय सुनसरी र इलाका प्रहरी कार्यालय इटहरीको संयुक्त टोलीले उनीहरूलाई इटहरीस्थित पशुपति चोकबाट पक्राउ गरिएको प्रहरीले जनाएको छ । यस अघि झापाबाट पनि २ जनालाई नियन्त्रणमा लिइएको थियो ।
प्रतिक्रिया दिनुहोस्