रुपन्देही । नेपाली कांग्रेसले बुटवलमा भोलि चुनावी सभा गर्ने भएको छ ।
नेपाली कांग्रेस क्षेत्र नम्बर २ को आयोजनामा शुक्रबार बिहान १० बजे बुटवलको देवीनगरमा चुनावीसभाको आयोजना गरिएको हो ।
सभालाई नेपाली कांग्रेसका केन्द्रीय सभापति गगनकुमार थापा लगायतका शिर्ष नेताले सम्बोधन गर्ने कार्यक्रम रहेको क्षेत्रिय कांग्रेस रुपन्देही क्षेत्र नम्बर २ का सभापति प्रजापाल गिरीले बताए ।
सभामा रुपन्देहीका ५ वटै निर्वाचन क्षेत्रका उम्मेदवारहरुको उपस्थिति रहने छ ।
नेपाली कांग्रेसले रुपन्देही क्षेत्र नम्बर १ मा हिराबहादुर केसी, २ मा चुन्नप्रसाद पौडेल, ३ मा शुशिल गुरुङ, ४ मा आशुतोष मिश्र र ५ मा भरतकुमार शाहलाई उम्मेद्वार बनाएको छ ।
थापाले आज बाँके र सुर्खेतमा सम्बोधन गर्ने कार्यक्रम रहेको छ ।
प्रतिक्रिया दिनुहोस्