धनगढी । ‘तिम्रै माया लाग्छ सोल्टिना, ए सोल्टिना, सोल्टिना, सोल्टिना… जाउँला रेलैमा सरर, गोर्खा पल्टन’
कुनै बेला यो गीत सबैको मुखमा झुण्डिएको मात्र थिएन, मनमा बसेको पनि थियो । अहिले पनि यो गीत मन नपराउने सायदै कोही होलान् ।
त्यसैमाथि सांस्कृतिक कार्यक्रम, विद्यालयमा हुने कार्यक्रम र देउसी भैलोमा अहिले पनि यो गीत त्यतिकै बज्छ ।
अब प्रश्न, गोर्खा पल्टन भन्ने बित्तिकै तपाईंलाई कसको याद आउँछ ? पक्कै पनि धेरैको जवाफ प्रशान्त तामाङ नै हुनुपर्छ । प्रशान्त तामाङ इन्डियन आइडल विजेता हुन् । उनले थुप्रै नेपाली गीत गाएका छन् । तीमध्ये प्रख्यात र सबैले रुचाएको गीत गोर्खा पल्टन नै हो ।
आज त्यही गीतका गायक प्रशान्त तामाङ हामीमाझ छैनन् । उनको दिल्लीस्थित आफ्नै निवासमा निधन भएको हो ।
आज तीनै गायक तथा नायक तामाङ हामीमाझ छैनन् । तर उनका अभिनय र गीतहरु हामीमाझ जीवन्त बनेका छन् । सँधै सबैले सम्झिरहने उनका कालजयी रचना र नेपाली संगीत र फिल्म क्षेत्रमा उनले खेलेको भूमिका अभूतपूर्व छन् ।
प्रशान्तलाई अलविदा, तिमी नरहे पनि सारा नेपाली र सारा विश्वले सँधै सम्झिरहनेछ ।
प्रतिक्रिया दिनुहोस्