धनगढी । सर्वोच्च अदालतको परमादेशपछि हितेन्द्रदेव शाक्य पुनः पुर्ववत अवस्थामा फर्किएका छन् । अर्थात उनी पुनः नेपाल विद्युत प्राधिकरणको कार्यकारी निर्देशक (एमडी)को जिम्मेवारीमा फर्किएका हुन् ।
अदालतको परमादेशपछि पुनः जिम्मेवारीमा फर्किएका शाक्यले अब आफू थप जिम्मेवार भएर काम गर्ने बताएका छन् ।
सञ्चारकर्मीसँगको कुराकानीका क्रममा शाक्यले अदालतको आदेशले न्याय पाएको भन्दै थप जिम्मेवार भएर काम गर्ने उर्जा मिलेको पनि बताएका छन् । उनले आफूले हिजो पनि कुलमानसँग मिलेर काम गर्न सक्ने भनेको र आज पनि आफू मिलेर काम गर्न तयार रहेको बताएका छन् ।
बरु अहिले देशको अवस्था संवेदनशील भएकाले आफ्नो क्षमताले भ्याएजति काम गर्ने शाक्यले बताएका छन् ।
शाक्यलाई न्यायाधीश नहकुल सुवेदी र श्रीकान्त पौडेलको इजलासले शाक्यलाई पूर्ववत नेपाल विद्युत प्राधिकरणको कार्यकारी निर्देशकमा काम गर्न परमादेश जारी गरेको छ।
प्रतिक्रिया दिनुहोस्