धनगढी : भदौ २४ गतेको जेन्जी आन्दोलनमा सुदूरपश्चिमको मुख्यमन्त्री तथा मन्त्रिपरिषद्को कार्यालयमा सबैभन्दा बढी क्षति भएको छ। जेन्जी आन्दोलनमा मुख्यमन्त्री कार्यालयको ९ करोड ७४ लाखको क्षति भएको प्रारम्भिक अनुमान गरिएको छ। भवनमा भएको क्षतिको आकलन भने अझै गरिएको छैन।
मुख्यमन्त्री तथा मन्त्रिपरिषद्को कार्यालय भित्रको सबै सामान जलेर ध्वस्त भएको छ। आन्दोलनमा मुख्यमन्त्रीले चढ्ने दुई करोड ५० लाख मूल्यको ल्याण्डक्रुजर गाडीसहित ७ वटा जिप र १६ मोटरसाइकल ध्वस्त भएको मुख्यमन्त्री कार्यालयले जनाएको छ।
मुख्यमन्त्री कार्यालयको तीन तले भवनको सम्पूर्ण सामान जलेको छ भने मुख्यमन्त्रीको कार्यकक्ष, मन्त्रिपरिषद बैठक बस्ने हल र सभा कक्ष जलेर ध्वस्त भएको छ।
मुख्यमन्त्री कार्यालयको सबै ल्यापटप, कम्प्युटर, सोफा, एसी दराज लगायतका जिन्सी सामग्री जलेर नष्ट भएको सूचना अधिकारी जगदीश जोशीले बताए।
प्रतिक्रिया दिनुहोस्