काठमाडौं : यूएईले आसन्न नेपाल र वेस्ट इन्डिजको क्रिकेट सिरिजका लागि नेपाली खेलाडीहरूलाई भिसा दिएको छ । नेपाल क्रिकेट संघ क्यान ले इमरेट्स क्रिकेट बोर्डमार्फत गरेको पहलमा यूएईले भिसा दिएको हो ।
शुक्रबार नेपाली क्रिकेट टीम यूएई प्रस्थान गर्ने तालिका भए पनि भिसा नआएकाले रोकिएका थिए ।नियमित प्रक्रियाबाट भिसा नआएपछि क्यानले इमरेट्स क्रिकेट बोर्ड र अन्तर्राष्ट्रिय क्रिकेट परिषद् आईसीसीमा समेत पहल गरेको थियो । यूएईको बोर्डबाट भिसा प्राप्त भएकाे क्यानका प्रवक्ता छुम्बी लामाले जानकारी दिए ।
नेपालि क्रिकेट टिमका म्यानेजर विनोद दासले टोली सोमबार युएई प्रस्थान गर्ने तयारी भएको जानकारी दिए। वेस्ट इन्डिजसँगको श्रृंखलाका लागि क्यानले शारजाह क्रिकेट रंगशाला बुक गरेर टिकट बिक्री गर्न थालिसकेको छ । अस्तिबाट अनलाइनमार्फत टिकट बुकिङ खुला गरिएको हो ।
नेपालले २७, २९ र ३० सेप्टेम्बरमा तीनवटा टी २० म्याच वेस्ट इन्डिजसँग खेल्नेछ । प्रतियोगिताको सबै खर्च र व्यवस्थापन नेपाल क्रिकेट संघको हुनेछ ।
प्रतिक्रिया दिनुहोस्