गोदावरी– ६ मा रहेको शैलेश्वरी माविको अध्यक्षमा फुलारा चयन

अत्तरिया : कैलालीको गोदावरी नगरपालिका– ६ मा रहेको शैलेश्वरी माध्यमिक विद्यालयको अध्यक्षमा जयराज फुलारा चयन भएका छन । शुक्रबार विद्यालयमा बसेको भेलाले फुलारालाई विद्यालय व्यवस्थापन समितिको अध्यक्षमा सर्वसम्मत चयन गरेको हो ।

विद्यालयको नयाँ व्यवस्थापन समिति गठनका लागि अभिभावकका तर्फबाट दलबहादुर शाही, गेडे बोगटी, राधा देवी फुलारा र राम बहादुर चौधरी गरी ४ जना प्रतिनिधि छनौट भएका थिए । त्यसमा नगरका तर्फबाट अध्यक्ष बनेका फुलारा र पार्वती रावललाई प्रतिनिधिका रुपमा पठाईएको थियो । वडाका तर्फबाट वडाध्यक्ष जग्गुराम चौधरी नै प्रतिनिधिका रुपमा गएका थिए ।

भेलाबाट फुलारा अध्यक्ष बन्दा बाँकी रहेका प्रतिनिधिहरु सदस्यमा बसेका छन । ति प्रतिनिधिहरुमध्ये वडाध्यक्ष चौधरी पदेन सदस्यका रुपमा रहेका छन । यस्तै विद्यालयका प्रधानाध्यापक केदार दत्त पन्त सदस्य सचिव बने । समितिका लागि शिक्षक प्रतिनिधिको भने टुंगो नलागेको बताइएको छ ।