धनगढी : कैलालीमा ५ किलो ६९० ग्राम चरेश र ४ ग्राम ९० मिलिग्राम खैरोइनसहित ५ जना पक्राउ परेका छन्।
लागुऔषध व्युरो शाखा धनगढी, वडा प्रहरी कार्यालय धनगढी र प्रहरीचौकी त्रिनगरबाट खटिएको संयुक्त प्रहरी टोलीले कैलालीको धनगढी उपमहानगरपालिका–२ त्रिनगर ब्यारेलबाट डोटीको शिखर नगरपालिका–८ घर भई हाल कैलालीको गोदावरी नगरपालिका–१ बस्ने ३५ वर्षीय बिरबहादुर रावललाई पक्राउ गरेको छ। रावलले चलाएको सुदूरपश्चिम प्रदेश ०४००१ प ०६६५ नम्बरको मोटरसाईकललाई चेकजाँच गर्दा उनको साथबाट २ ग्राम ७६० मिलिग्राम
खैरोइन फेलापारी उक्त पदार्थुहित उनलाई नियन्त्रण लिएको छ।
त्यसैगरी चुरे गाउँपालिका–३ बस्ने ३२ वर्षीय मोहन मल्ललाई चेकजाँच गर्दा उनले प्रयोग गरेको मोबाईलको खोल भित्र लुकाई–छिपाई राखेको ५९० मिलिग्राम खैरो हेरोइनसहित उनलाई नियन्त्रणमा लिएको छ।
यस्तै धनगढी उपमहानगरपालिका–२ मिलन चोक स्थित बझाङको बुङ्गल नगरपालिका–८ घर भई हाल धनगढी उपमहानगरपालिका–२ स्थित जयराम होटल एण्ड लज रेष्टुरेन्ट संचालक ३२ वर्षीय राम बोहराको होटलमा चेकजाँच गर्दा ५ किलो ६९० ग्राम चरेश फेलापारी बरामद गरी बोहरालाई समेत नियन्त्रणमा लिएको जिल्ला प्रहरी कार्यालय कैलालीका प्रहरी निरिक्षक तथा सह–प्रवक्ता लोक राज जोशीले जानकारी दिए।
यसैगरी धनगढी उपमहानगरपालिका–१२ जुगेडाबाट जिल्ला प्रहरी कार्यालय कैलाली र अस्थायी प्रहरी पोष्ट जुगेडाबाट खटिएको संयुक्त प्रहरी टोलीले सुदूरपश्चिम प्रदेश ०१०१३ प २३४५ नम्बरको मोटरसाइकल चालक सोही ठाउँ बस्ने २३ वर्षीय बिजय विक र सोही मोटरसाइकल पछाडी सवार धनगढी उपमहानगरपालिका–७ बस्ने २२ वर्षीय प्रदिप रानालाई चेकजाँच गर्दा उनीहरुको साथबाट ७४० मिलिग्राम खैरो हेरोइन फेलापारी दुबै जनालाई नियन्त्रणमा लिईएको छ। शुक्रवार पक्राउ परेका पाँचै जनालाई आवश्यक कारवाहीको लागि जिल्ला प्रहरी कार्यालय कैलालीको हिरासतमा राखी थप अनुसन्धान भईरहेको प्रहरी निरिक्षक जोशीले जानकारी दिए।
प्रतिक्रिया दिनुहोस्