धनगढी । उदयदेव बहुउद्देश्यीय सहकारी संस्था लिमिटेड, सेवा केन्द्र धनगढीको २७औं इकाईगत वार्षिक साधारण सभा शनिबार धनगढी–बोराडाँडीस्थित सितार होटलमा सम्पन्न भएको छ।
कार्यक्रमका प्रमुख अतिथि धनगढी उपमहानगरपालिकाको सहकारी तथा रोजगार शाखा प्रमुख चन्द्रबहादुर महरा, विशिष्ट अतिथि राष्ट्रिय सहकारी बैंक सुदूरपश्चिम प्रदेश प्रमुख दिनेश गेलाल तथा सभापति संस्थाका अध्यक्ष नारा जोशी रहनुभएको थियो।
सभामा सञ्चालक समिति, कर्मचारी तथा शेयर सदस्यहरूको उल्लेखनीय सहभागिता रहेको थियो। कार्यक्रममा जेष्ठ नागरिक, बाल बचत तथा उत्कृष्ट उद्यमी सदस्यलाई पुरस्कृत गरिएको सहकारीले जनाएको छ।
अध्यक्ष नारा जोशीले संस्थाको सफलता सदस्यहरूको निरन्तर योगदानकै फल भएको उल्लेख गर्दै सहकारीलाई अझ सबल र उच्चतामा पुर्याउन सबैको सुझाव आवश्यक रहेको बताए।
संस्थाले कार्यक्रममा सहभागी सबै सदस्यप्रति धन्यवाद व्यक्त गर्दै सहकारी आन्दोलनलाई अझ सुदृढ बनाउन निरन्तर क्रियाशील रहने प्रतिबद्धता जनाइएको छ।
प्रतिक्रिया दिनुहोस्