डडेल्धुरा जीप दुर्घटनामा घाईते भएकाहरको माया मेट्रोमा उपचार हुँदै

डडेल्धुरा : डडेल्धुराको नवदुर्गा गाउँपालिका–५ को चौडमा बिहीवार बिहान भएको जीप दुर्घटनामा परेका चार मध्ये तीन जनाको धनगढीको माया मेट्रोमा उपचार भईरहेको छ । तीनै जनाको अहिले आईसीयूमा उपचार भईरहेको हस्पिटलका पिआर म्यानेजर जगत महताले जानकारी दिएका छन् ।
उनका अनुसार एक जना घाईतेको भने मृत्यु भएको जनाएको छ । डडेल्धुराबाट धनगढी ल्याउने क्रममा बिच बाटोमै मृत्यु भएको अस्पतालका चिकित्सकले घोषणा गरेका थिए । मृत्यु हुनेमा ४७ बर्षीय गणेश साउद रहेका छन् ।
बिरामीको बिवरण
१ सुशीला विक १६ बर्ष महिला ( टाउकोमा चोट रहेको । आइसियूको भेन्टिलेटरमा उपचार हुँदै )
२ चन्द्र सिहँ साउद ४८ बर्ष पुरुष ( दुबै खुट्टाको तीन ठाउमा भाँचिएको र टाउको सामान्य चोट । आइसियूमा उपचार हुँदै)
३ प्रकाश विक ३८ बर्ष ( टाउको,मेरुदण्डमा चोट र हातमा सामान्य चोट । आइसियूमा उपचार हुँदै )
४ गणेश साउद ४७ बर्ष (मृत्यू भएको)

अस्पतालका पिआर म्यानेजर जगत महताका अनुसार घाइतेहरूको स्वास्थ्य अवस्था गम्भीर छ। प्रहरीले घटनाबारे अनुसन्धान जारी राखेको छ ।