काठमाडौँ — भक्तपुरमा मृत भेटिएका दिदी-बहिनीको पोस्टमार्टम रिपोर्टमा मृत्युको कारण ‘ह्याङ्गिङ’ देखिएको छ । १७ वर्षीया मेनुका कँडेल र १५ वर्षीया सिर्जना कँडेलको मृत्युको कारण ‘ह्याङ्गिङ’ देखिएको जिल्ला प्रहरी परिसर भक्तपुरका एसपी ढुण्डिराज नेउपानेले जानकारी दिए ।
‘पोस्टमार्टम रिपोर्टमा ह्याङ्गिङ नै मृत्यको कारण उल्लेख छ,’ एसपी नेउपानेले भने,‘ तर हामी घटनाको अनुसन्धानमा नै छौँ । मोबाइल परीक्षणका लागि पनि पठाइएको डिजिटल फरेन्सिक रिपोर्टबाट पनि केही विषय आउन सक्छ ।’
भक्तपुरको मध्यपुर थिमि नगरपालिका-९, सिन्टीटारमा रहेको स्थानीय निरज चक्रधरको दुईतले घरको छेउको भुईंतलामा रहेको छाप्रोमा साउन ८ गते कँडेल दिदीबहिनी मृत भेटिएका थिए ।
उनीहरू सुर्खेत पञ्चपुरी नगरपालिका वडा नम्बर-८ का स्थानीय बासिन्दा थिए । भारतबाट हराएका भनिएका उनीहरू भक्तपुर आएर कोठामा दुई हप्ता अघिदेखि बस्दै आएका थिए । काठमाडौंमा ९ दिनअघि उनीहरूको दाहसंस्कार गरी परिवार सुर्खेत फर्किएको थियो ।
प्रतिक्रिया दिनुहोस्