मुख्यमन्त्री कमलबहादुर शाह साउन १५ गते विश्वासको मत लिँदै

धनगढी – सुदूरपश्चिम प्रदेशका मुख्यमन्त्री कमलबहादुर शाहले साउन १५ गते प्रदेश सभाबाट विश्वासको मत लिनु हुने भएको छ।

प्रदेश सभाको बैठक साउन १५ गते साँझ ५ बजे बस्ने तय भएको छ। बैठकमा मुख्यमन्त्री शाहले विश्वासको मत प्राप्त गर्ने प्रक्रिया अघि बढाउने छन्।

यसअघि, सोमबार सुदूरपश्चिम प्रदेश संसदीय दलको कार्यालयमा बसेको बैठकले मुख्यमन्त्री शाहको पक्षमा मतदान गर्न सर्वसम्मत निर्णय गरेको हो।

बैठकले आफ्ना सांसदहरूलाई विश्वासको मतको क्रममा अनिवार्य उपस्थित, अनिवार्य मतदान, र तटस्थ नबस्न स्पष्ट निर्देशन (हिप) दिएको छ। उक्त निर्देशन नेपालको राजनीतिक दलसम्बन्धी ऐन, २०७३ को दफा २८ बमोजिम जारी गरिएको हो।

प्रदेशको हालको राजनीतिक अवस्था र गठबन्धनको समीकरणलाई मध्यनजर गर्दा विश्वासको मत प्रक्रियाले प्रदेश सरकारको भविष्यको दिशातर्फ संकेत गर्ने विश्लेषण गरिँदैछ।