कञ्चनपुरमा बसको ठक्करबाट महिलाको मृत्यु

महेन्द्रनगर : कञ्चनपुरमा बसको ठक्करबाट एक महिलाको मृत्यु भएको छ । जिल्ला प्रहरी कार्यालय कञ्चनपुरका अनुसार यहाँको शुक्लाफाँटा नगरपालिका–१ स्थित गणेश पुरका ५५ वर्षीया  द्रोपति भट्टको बसको ठक्करबाट मृत्यु भएको हो । 

जिल्ला प्रहरी कार्यालय कञ्चनपुरका सूचना अधिकारी प्रहरी नायव उपरीक्षक सागर बोहराले थारु समुदायका मानिस मगनी गरेर महेन्द्रनगरतर्फ फर्किदै गरेको सु.प.प्र.००१ ख ९२९ नम्बरको बसले भट्टलाई ठक्कर दिएको बताए । 

बसको ठक्करबाट घाइते भएका भट्टको उचारका लागि धनगढीस्थित निर्सग अस्पतालमा उपचारका क्रममा मृत्यु भएको हो। प्रहरीले चालकलाई नियन्त्रणमा लिएर घटनाबारे थप अनुसन्धान भइरहेको जनाएको छ ।