जापानलाई ३५ प्रतिशतसम्म कर लगाउने ट्रम्पको चेतावनी

काठमाडौँ : अमेरिकी राष्ट्रपति डोनाल्ड ट्रम्पले जापानबाट आयात हुने सामानमा कर वृद्धिगरी ३० देखि ३५ प्रतिशत पुर्‍याउने चेतावनी दिएका छन् । 

जापानसँगको व्यापार सम्झौता जुलाई ९ को समयसीमाअगावै असम्भव रहेको भन्दै राष्ट्रपति ट्रम्पले हाललाई कर वृद्धि गर्ने सम्भावनाबारे सोचिरहेको बताएका हुन् । 

अमेरिकी चामलको आयात स्वीकार गर्न जापानले अनिच्छा देखाएको र दुई देशबीचको सवारी साधनको व्यापारमा असन्तुलनको आलोचना गर्दै एयर फोर्स वानमा पत्रकारहरूसँग भने, ‘मलाई विश्वास लागिरहेको छैन कि जुलाई ९ अगावै सम्झौता गर्नेछौँ । मलाई जापानप्रति शङ्का छ, तिनीहरू धेरै कठिन छन् ।’