कञ्चनपुरबाट लागुऔषध मुद्दाका २ जना फरार प्रतिवादी पक्राउ

धनगढी : कञ्चनपुरबाट लागुऔषध मुद्दाका २ जना फरार प्रतिवादी पक्राउ परेका छन्।

जिल्लाको बेदकोट नगरपालिकाका भुवन कुँवर र भीमदत्त नगरपालिकाका राजेश पन्त पक्राउ परेका हुन्।

नेपाल प्रहरीले जिल्ला अदालत, कञ्चनपुरले पाँच वर्ष कैद सजाय तोकेका बेदकोट नगरपालिका–९ का ३१ वर्षीय कुँवरलाई बिहिवार पक्राउ गरेको हो। अदालतले एक महिना २४ दिन कैद सजाय तोकेका भीमदत्त नगरपालिका–१८ का ३० वर्षीय पन्त पनि बिहिवार नै पक्राउ परेका हुन्। उनीहरूलाई अदालतमा पेस गरिएको छ।