कञ्चनपुर । कञ्चनपुरमा प्रहरी असई कुट्ने व्यक्ति पक्राउ परेका छन् । जिल्ला प्रहरी कार्यालय कञ्चनपुरका असई वीर बहादुर चन्दमाथि कुटपिट गर्ने एकजना पक्राउ परेका हुन् ।
पक्राउ पर्नेमा बेलौरी नगरपालिका ८ का राहुल राना रहेको कञ्चनपुर प्रहरीले जनाएको छ । उनलाई मंगलबार साँझ इलाका प्रहरी कार्यालय बेलौरीको प्रहरी टोलीले पक्राउ गरेको हो ।
पक्राउ परेका रानाले केही दिनअघि चन्दलाई चेकजाँचका क्रममा कुटपिट गरेका थिए । असई चन्दमाथि भएको कुटपिटको भिडियो सामाजिक सञ्जालमा भाइरल भएको थियो । कुटपिटमा संलग्न अन्यको खोजीकार्य भइरहेको प्रहरीले जनाएको छ ।
कुटपिट गर्ने व्यक्ति स्थानीय हार्डवेयर व्यापारी हुन् ।
प्रतिक्रिया दनुहोस्