विपक्षी दलहरूको बैठक बस्दै, संसदको अवरोध र भिजिट भिसा प्रकरणमा छलफल हुने

काठमाडौं– प्रमुख प्रतिपक्षी दल नेकपा माओवादी केन्द्रसहितका विपक्षी दलहरूको बैठक बस्दैछ ।

माओवादी अध्यक्ष पुष्पकमल दाहाल प्रचण्डले संसद भवनस्थित आफ्नो कार्यकक्षमा आइतबार मध्याह्न १२ बजे बस्ने गरी बैठक बोलाएका हुन् ।

भिजिट भिसा प्रकरणमा विपक्षीहरूले गृहमन्त्री रमेश लेखकको राजीनामा मागेर सदन अवरोध गरिरहेको अवस्थामा बैठक बस्न लागेको हो ।

पछिल्लो समय प्रमुख प्रतिपक्षी माओवादीले गृहमन्त्रीको राजीनामाको अडान छाडेर छानबिन समिति बनाउने प्रतिवद्धता आए सदनको अवरोध खुलाउने सङ्केत गरेको छ ।

सहमतिको प्रयासस्वरूप प्रचण्डले कांग्रेस सभापति शेरबहादुर देउवासँग संवाद बढाएका छन् ।