देउवा भन्छन्- राजावादीको आन्दोलन तुहियो

नेपाली कांग्रेसका सभापति शेरबहादुर देउवाले राजावादीहरूको आन्दोलन तुहिएको दाबी गरेका छन् । 

बिहीबार जनकपुर विमानस्थलमा पत्रकारहरूसँग कुराकानी गर्दै सभापति देउवाले राजावादीहरूको आन्दोलन तुहिसकेको बताएका हुन् । ‘देशमा यत्रो ठूलो परिवर्तन आएको छ । अब राजावादीले आन्दोलन गरेर हुँदैन । राजावादीको आन्दोलन समाप्त भयो, तुहिइसक्यो,’ देउवाले भने । 

कांग्रेस-एमाले गठबन्धनको सरकारले राम्रो काम गरिरहेको देउवाको भनाइ छ । सभापति देउवाले गृहमन्त्री रमेश लेखकले राजीनामा दिनुपर्ने आवश्यकता नरहेको पनि बताए । उनले संसदको गतिरोध हटाउने विषयमा छलफल भइरहेको पनि बताए ।

मधेश प्रदेशमा पनि गठबन्धन दलको सहमतिअनुसार सरकार परिवर्तन हुने उनले बताए ।