धनगढी : कञ्चनपुरबाट एक ट्रक काठसहित एक जना पक्राउ परेका छन्।
जिल्लाको लालझाडी गाउँपालिका–३ बाट सुदूरपश्चिम प्रदेश ०२–००१ ख १०८७ नम्बरको एक ट्रक काठसहित गणेशबहादुर बोहरा पक्राउ परेका हुन्।
कञ्चनपुरको बेदकोट नगरपालिका–५ पोलखरीका ४३ वर्षीय बोहरा एक सय ६४ क्यूफिट काठसहित पक्राउ परेका हुन्। जिल्ला प्रहरी कार्यालय, कञ्चनपुर मातहतमा रहेको इलाका प्रहरी कार्यालय, शंकरपुरको टोलीले शनिवार राति ४९ गोलिया आँपको काठ, ३७ गोलिया मसलाको काठ र बाँकी दाउरा बरामद गरेको हो।
जिल्ला प्रहरी कार्यालय, कञ्चनपुरका प्रवक्ता सागर बोहराले काठसहितको ट्रक र गणेशबहादुरलाई सब–डिभिजन वन कार्यालय, लालझाडीमा बुझाएको बताएका छन्। वनले उनी माथि कानुनी कारबाही गर्ने छ।
प्रतिक्रिया दिनुहोस्