काठमाडौं- राष्ट्रिय प्रजातन्त्र पार्टीका प्रमुख सचेतक ज्ञानेन्द्रबहादुर शाहीले सरकारले नेपाल राष्ट्र बैंकको गभर्नरमा डा. विश्वनाथ पौडेललाई कानुनविपरीत नियुक्त गरेको बताएका छन्।
बुधबार सिंहदरबारमा बसेको संघीय संसद्अन्तर्गत अर्थ समितिमा बोल्दै शाहीले यस्तो उल्लेख गरेका हुन् ।
उनले खासमा पौडेल गभर्नर बन्न अयोग्य रहेको पनि बताए । उनले राष्ट्र बैंक ऐनमा गभर्नर बन्न कुनै पनि राजनीतिक पार्टीको सदस्य हुन् नहुने व्यवस्था रहेको स्मरण गराए ।
गभर्नर पौडेलसँग मौद्रिक नीतिको ज्ञानसमेत नभएको उनले उल्लेख गरेका छन् । नवनियुक्त गभर्नर पौडेलले कृषि विषय पढेको बताउँदै राष्ट्र बैंक सम्हाल्न नसक्ने पनि शाहीले जिकिर गरे ।
प्रतिक्रिया दनुहोस्