इजलासमा मिश्रले खाए आमाको कसम, राज्यविरुद्धकाे कसूर नगरेको जिकिर

काठमाडौँ । गत चैत्र १५ गते काठमाडौँको तीनकुनेमा भएको अवाञ्छित गतिविधिमा संलग्न रहेको भन्दै पक्राउ परेका राष्ट्रिय प्रजातन्त्र पार्टी(राप्रपा) का उपाध्यक्ष रवीन्द्र मिश्रको शुक्रबार सर्वोच्च अदालतमा सुनुवाइ सकिएको छ ।

मिश्रको बन्दी प्रत्यक्षीकरण रिट न्यायाधीश कुमार चुँडाल र तिलप्रसाद श्रेष्ठको इजलासमा परेको थियो । त्यसक्रममा मिश्रले आफूले राज्य विरुद्धको कसूर नगरेको बताएका छन् । उनले इजलास समक्ष भने,’८४ वर्षे आमाको कसम खाएर भन्छु मैले राज्यविरुद्ध कसुर गरेको छैन ।’ 

तीनकुनेमा राजावादीहरुले गरेको प्रदर्शनमका एक पत्रकार सहित दुई जानको मृत्यु भएको थियो ।  घटनामा संलग्न रहेको भन्दै उपाध्यक्ष मिश्र सहित दुर्गा प्रसाईं लगायत प्रहरी हिरासतमा छन् ।