काठमाडौँ : प्रिन्टिङ प्रणालीमा समस्या आएपछि अत्यावश्यक सवारी चालक अनुमति पत्र छपाई बन्द भएको छ ।
अध्ययन तथा रोजगारीका लागि विदेश जाने नेपाली नागरिकका लागि अत्यावश्यक सवारी चालक अनुमति पत्र प्रदान गर्दै आएकोमा मेशिन बिग्रिएपछि विहिबारदेखि बन्द भएको यातायात व्यवस्था विभागले जानकारी दिएको छ ।
‘अध्ययन तथा रोजगारीका लागि विदेश जाने नेपाली नागरिक, शान्ति सेना मिशनका लागि विदेश जाने नेपाली सेना एवम् नेपाल प्रहरी र गैरआवासीय नेपाली नागरिकहरुको लागि अत्यावश्यक सवारी चालक अनुमतिपत्र छपाई कार्य हुँदै आएकोमा,’ विभागले सूचना जारी गर्दै भनेको छ, ‘यही मिति २०८२।०१।२५ गतेदेखि विभागको प्रिन्टिङ्ग प्रणालीमा समस्या देखिएको र सो समस्या समाधानका कार्य भैरहेको हुँदा अर्को सूचना प्रकाशन नहुँदा सम्मका लागि अत्यावश्यक चालक अनुमतिपत्र छपाई कार्य बन्द गरिएको जानकारी गराइन्छ ।’
प्रतिक्रिया दनुहोस्