काफल खान जंगल गएकी बैतडीकी सिमा रुखबाट खसेर अस्ताईन्

धनगढी : काफल खान आमासंग वन गएकी एक किसोरीको रुखबाट लडेर बैतडीमा मृत्यु भएको छ।

जिल्लाको पुर्चौडी नगरपालिका–९ बथ्थोला तल्लादेहीकी १४ वर्षीय सिमा भण्डारीको काफल टिप्ने क्रममा रुखबाट लडेर मृत्यु भएको हो।

बुधवार बिहानसाढे १० बजेतिर आमासँग स्थानीय जंगलमा काफल टिप्न गएकी उनको रुखबबाट लडेर घटनास्थलमै मृत्यु भएको आफ्नले बताएका छन्। उनी कक्षा ८ मा अध्ययनरत थिइन्।