कञ्चनपुर : कञ्चनपुरमा लागूऔषध मुद्दाका दुई फरार प्रतिवादी पक्राउ परेका छन्। जिल्ला अदालत कञ्चनपुरले लागूऔषध (खैरो हिरोइन) मुद्दामा १ महिना ३ दिन कैद सजाय तोकिएको कृष्णपुर नगरपालिका–५ पबित्रा बस्ती बस्ने २४ वर्षीय प्रकाश सुनार र सोही मुद्दामै ९ महिना १३ दिन कैद सजाय तोकिएको कैलालीको गोदावरी नगरपालिका–५ बस्ने २२ वर्षीय शिव राज भट्टलाई पक्राउ गरिएको जिल्ला प्रहरी कार्यालय कञ्चनपुरले जनाएको छ। सजाय ठहर भएपछि फरार रहेका दुबै जनालाई मंगलवार इलाका प्रहरी कार्यालय गुलरियाबाट खटिएको प्रहरी टोलीले पक्राउ गरेको छ।
प्रतिक्रिया दिनुहोस्