धनगढीको शान्ति कटानकी देउसराको गोठमा आगलागी

धनगढी : कैलालीको धनगढी उपमहानगरपालिका–१५ की देउसरा सार्कीको गोठमा आगलागी भएको छ।

सुदूरपश्चिम प्रदेश प्रहरी कार्यालय, धनगढीले मङ्गलवार बिहान उनको गोठमा आगलागी भएको बताएको छ। आगलागीबाट गोठ पूर्णरूपमा जलेको छ। एक लाख ३७ हजार रुपैयाँको धनमाल जलेर नष्ट भएको प्रहरीले बताएको छ। प्रहरी र स्थानीयले आगो नियन्त्रणमा लिएको बताइएको छ।

आगलागीको कारणका विषयमा अनुसन्धान जारी रहेको प्रदेश प्रहरीले बताएको छ।