धनगढी : डडेल्धुराको नवदुर्गा गाउँपालिकाको स्वास्थ्य शाखामा आगलागी भएको छ।
दुर्गा भवानी सामुदायिक वन क्षेत्रबाट फैलिएको आगोले शनिवार दिउँसो साढे ३ बजेतिर स्वास्थ्य शाखामा क्षति पु–याएको डडेल्धुरा प्रहरीले बताएको छ।
डढेलोको आगो हावाको कारण स्वास्थ्य शाखासम्म पुगेको हो। आगलागीका कारण स्वास्थ्य शाखाको संरचना तथा भित्र रहेका सामग्रीहरूमा क्षति पुगेको जनाइएको छ। स्थानीय बासिन्दा, प्रहरी तथा पालिकाको सहयोगमा आगो निभाइएको छ। गाउँपालिकामा दमकल नहुँदा आगो नियन्त्रणमा चुनौती भएको थियो।
डढेलोको कारण आसपासका अन्य क्षेत्रहरू पनि जोखिममा छन्। स्थानीय प्रशासनले आगलागीको जोखिम न्यूनीकरण तथा सम्भावित थप क्षति रोक्न सतर्कता अपनाउन सर्वसाधारणलाई आग्रह गरेको छ।
प्रतिक्रिया दनुहोस्