काठमाडौँ : सरकार परिवर्तनको हल्ला भएपछि प्रधानमन्त्री केपी शर्मा ओली र नेपाली कांग्रेसका सभापति शेरबहादुर देउवाबीच टेलिफोन संवाद भएको छ ।
देउवा थाइल्याण्ड भ्रमणमा रहेकै बेला सरकार परिवर्तनको हल्ला भएपछि बिहीबार साँझ दुई जनाबीच टेलिफोन संवाद भएको परराष्ट्रमन्त्री आरजु राणा देउवाले जानकारी दिएकी छिन् ।
थाइल्याण्ड भ्रमणबाट फर्किएपछि त्रिभुवन अन्तराष्ट्रिय विमानस्थलमा सञ्चारकर्मीसँग कुरा गर्दै आरजुले मनोरञ्जनका लागि सरकार परिवर्तनको हल्ला भएको बताइन् ।
‘देशमा सरकार परिवर्तनको हल्ला भएछ, हामीले समाचारहरूमा देख्यौं । तर यो इन्टरटेन्मेन्टका लागि भएको होला । सरकार परिवर्तन हुँदा नेपालभित्रै गर्ने होला । बाहिर गएर यस्तो कुरा हुँदैन,’ आरजुले भनिन्, ‘यस्तो हल्लापछि हिजो बेलुका सभापति र प्रधानमन्त्रीबीच टेलिफोनमा कुराकानी भएको छ । फोनमा दुवै जनाले सरकार परिवर्तनबारे हल्ला भएकोबारे कुरा गरे ।’
सरकारलाई स्थायित्व दिएरै जानेबारे कुराकानी भएको आरजुको भनाइ छ ।
प्रतिक्रिया दनुहोस्