धनगढीका २८६ सामुदायिक कुकुरको बन्ध्याकरण

धनगढी : कैलालीको धनगढी उपमहानगरपालिकाले दुई सय ८६ सामुदायिक (छाडा छोडिएका) कुकुरको बन्ध्याकरण गरेको छ।

उपमहानगरपालिकाले सडक दुर्घटनालाई न्यूनीकरण गर्नका लागि सामुदायिक कुकुरको बन्ध्याकरण गरेको हो। सामुदायिक कुकुरका कारण समस्या सिर्जना भएपछि उपमहानगरपालिकाले नियन्त्रणका लागि बन्ध्याकरण गरेको बताएको छ। उपमहानगरपालिकाले केही वर्षदेखि सामुदायिक कुकुर नियन्त्रण अभियान सञ्चालन गर्दै आएको छ।

सामुदायिक कुकुरले गर्दा दुर्घटना र रेबिज रोग लाग्ने भएकाले बन्ध्याकरणका साथै रेबिजविरुद्धको खोप लगाइएको हो। सामुदायिक कुकुर नियन्त्रणका लागि बन्ध्याकरण सबैभन्दा प्रभावकारी उपाय रहेको बताइएको छ।