महानगर प्रहरीको अवरोधबिच हाजिर हुन पुगे काठमाडौंका प्रमुख प्रशासकीय अधिकृत गुरागाईं

काठमाडौं : काठमाडौं महानगरपालिकाका प्रमुख प्रशासकीय अधिकृत सरोज गुरागाईं कार्यालयमा हाजिर हुन पुगेका छन् ।

महानगर प्रमुख बालेन्द्र शाहले गुरागाईंलाई रोक्न नगर प्रहरी परिचालन गरे पनि उपमेयर सुनिता डंगोल तथा वडाध्यक्षहरूसहित जनप्रतिनिधि र महानगरका कर्मचारीले उनलाई कार्यालय प्रवेश गराएका हुन् ।

उनलाई नगर प्रहरीले गेटमै रोक्न खोजेको थियो । तर, कर्मचारीहरूले रोक्न नदिइ उनलाई कार्यालय प्रवेश गराएका छन् ।