काठमाडौं : विभिन्न सात राजनीतिक दलहरुले नयाँ मोर्चाबन्दी कसेका छन् । विगत लामो समयदेखिको प्रयत्न साकारा हुन लागेको हो । नयाँ बन्ने मोर्चामा विभिन्न ७ दल सामेल छन् । यो मोर्चा बनाउने विषयमा अगुवाई भने जनता प्रगतिशील पार्टीका अध्यक्ष हृदयेश त्रिपाठीले गरेका हुन् ।
मधेशवादी दलहरु तीनतिर फर्किएको बेलामा उनले लुज एलायन्स बनाउन सकिन्छ भनेर गृहकार्य थालेका हुन् । यो नयाँ मोर्चा भोलि (बिहीबार) अपरान्ह ३ बजे काठमाडौंको थापागाउँमा रहेको काठमाडौं ब्याङ्क्वेटमा घोषणा गरिने जनता प्रगतिशील पार्टीका वरिष्ठ नेता डा. शिवजी यादवले जानकारी दिए ।
मोर्चामा जनमत पार्टी, जनता समाजवादी पार्टी नेपाल, लोकतान्त्रिक समाजवादी पार्टी नेपाल, नागरिक उन्मुक्ति पार्टी, राष्ट्रिय मुक्ति पार्टी, जनता प्रगतिशील पार्टी र तराई मधेश लोकतान्त्रिक पार्टी (तमलोपा) आवद्ध छन् ।
प्रतिक्रिया दनुहोस्