फेरि ह्वात्तै बढ्यो सुनको भाउ, तोलाकै १ लाख ८० हजार नजिक पुग्यो

काठमाडौं : नेपाली बजारमा सुनको मूल्यले आज पनि नयाँ रेकर्ड कायम गरेको छ । आज सुन तोलामा १८ सय रुपैँयाले बढेर नयाँ रेकर्ड कायम भएको हो । नेपाल सुनचाँदी व्यवसायी महासङ्घका अनुसार मंगलबार छापावाल सुनको मूल्य तोलाको एक लाख ७९ हजार ७ सय रुपैयाँमा कारोबार भइरहेको छ । जुन अहिलेसम्मकै उच्च मूल्य हो ।

अघिल्लो कारोबार दिन सोमबार सुन तोलामा एक लाख ७७ हजार ९ सय रुपैयाँका कारोबार भएको थियो ।

यस्तै, आज चाँदीको मूल्य भने स्थिर रहेको छ । आज चाँदी दुई हजार ३५ रुपैयाँमा कारोबार भइरहेको महासङ्घले जनाएको छ । सोमबार पनि चाँदीको सोही मूल्यमा कारोबार भएको थियो ।