सुनको भाउ चार दिनदेखि ओरालो

काठमाडौं : पछिल्ला चार कारोबार दिनदेखि सुनको भाउ लगातार घटेको छ।

नेपाली बजारमा शुक्रबारदेखि सुनको मूल्य घटेको हो। बिहीबार छापावाल सुन प्रतितोला १ लाख ७६ हजारमा कारोबार भएकोमा शुक्रबार १ हजार घटेको थियो।

यसैगरी आइतबार ९ सय र सोमबार ६ सय घटेको थियो। आज मंगलबार २ सय घटेको छ। नेपाल सुनचाँदी व्यवसायी महासंघले आजका लागि छापावाल सुनको भाउ प्रतितोला १ लाख ७३ हजार ३ सय रुपैयाँ तोकेको छ।