बाजुरा : बाजुरामा मोटरसाइकल दुर्घटनामा परेर एक युवक घाइते भएका छन्। जिल्लाको बुढीगंगा नगरपालिका–९ जुवापानी स्थायी घर भएका २२ वर्षीय मोटरसाइकल चालक राजेन्द्र सिंह घाइते भएका हुन।
जिल्ला सदरमुकाम मार्तडीबाट बुढीगंगा नगरपालिकातर्फ जादैं गरेका उनी सवार सुदूरपश्चिम प्रदेश ०१–०११ प ६९४० नम्बरको मोटरसाइकल वीरेखोला नजिक अनियन्त्रित भएर भित्तामा ठोकिएर दुर्घटनामा परेको छ।
चालकको कानबाट रगत बगेको, दाँत तीनवटा भाँच्चिएको र दुईवटा खुट्टामा गम्भीर चोट लागेको जिल्ला प्रहरी कार्यालय बाजुराले बताएको छ।
सिंहको जिल्ला अस्पताल बाजुरामा उपचार भईरहेको बताइएको छ।
प्रतिक्रिया दनुहोस्