सुनको भाउ इतिहासकै उच्च, तोलाको कति ?

काठमाडौं : सुनको मूल्यमा नयाँ रेकर्ड कायम भएको छ । आज सुन प्रतितोला ४ हजार रुपैयाँले बढेर हाल सम्मकै नयाँ रेकर्ड कायम भएको हो । नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख ७४ हजार ५ सय रुपैयाँमा कारोबार भइरहेको छ । अघिल्लो कारोबार दिन सुन एक लाख ७० हजार ५ सय रुपैयाँमा कारोबार भएको थियो ।

त्यसैगरी आज चाँदीको मूल्य पनि बढेको छ। आज चाँदी प्रतितोला ५० रुपैयाँले बढेको हो । महासंघका अनुसार आज चाँदी दुई हजार ५० रुपैयाँमा कारोबार भईरहेको छ । अघिल्लो दिन चाँदी दुई हजार रुपैयाँमा कारोबार भएको थियो ।