विषादी सेवन बाट डोटीमा एक युवकको मृत्यु

डोटी : डोटीमा विषादी सेवन बाट एक युवकको मृत्यु भएको छ । जिल्लाको केआईसिंह गाउँपालिका–४ धौलाकाँडाका २२ वर्षीय भरत कुँवरको विषादी सेवनका कारण मृत्यु भएको हो ।

आफ्नै घरमा राखिएको मुसा मार्ने विषादी सेवन गरेपछि गम्भीर अवस्थामा पुगेका उनलाई स्थानीय दुर्गामाण्डौं स्वास्थ्य चौकीमा प्रारम्भिक उपचार गरिएको थियो ।

थप उपचारका लागि सुजङ अस्पताल, राजपुर लगिएको भए पनि उपचारको क्रममा राति २ बजेतिर उनको मृत्यु भएको प्रहरीले जनाएको छ । विषादी सेवनको कारणबारे थप अनुसन्धान भइरहेको प्रहरीले जनाएको छ ।