इजरायलले गाजामा आक्रमण गर्दा चार जनाको मृत्यु

इजरायल : गाजा पट्टीमा इजरायलले गरेको आक्रमणमा परी चार जनाको मृत्यु भएको छ भने १४ जना घाइते भएको प्यालेस्टिनी एन्क्लेभका स्वास्थ्य अधिकारीहरूले मंगलबार जानकारी दिएका छन ।

स्वास्थ्य अधिकारीहरूले आक्रमणको स्थान खुलाएका छैनन् । प्यालेस्टिनी मिडियाले मंगलबार मध्य गाजाको नेत्जारिम करिडोरमा ड्रोन आक्रमण भएको रिपोर्ट गरेको छ ।

आधिकारिक प्यालेस्टिनी समाचार एजेन्सी वाफाले पनि गाजा शहरमा इजरायली बमबारी, दक्षिणी गाजा पट्टीको खान युनिसको पूर्वमा नागरिकहरूलाई लक्षित गरी हवाई आक्रमण र रफाह शहरको पूर्वमा अल-शौका सहरमा इजरायली आक्रमणहरू रिपोर्ट गरेको छ ।

इजरायली सेनाका प्रवक्ताले एक विज्ञप्तिमा भनेका छन्, मध्य गाजामा प्यालेस्टिनी लडाकूहरू विरुद्ध ड्रोन आक्रमण गरिएको थियो, जब आईडीएफ (इजरायल रक्षा बल)  सेनाको लागि खतरा पैदा गर्ने शङ्कास्पद गतिविधिमा संलग्न धेरै लडाकूहरू पहिचान गरिएको थियो ।

मार्च १ मा युद्धविराम सम्झौताको पहिलो चरणको म्याद सकिएपछि प्यालेस्टिनी क्षेत्रहरूमा इजरायली आक्रमणहरूको लगभग दैनिक रूपमा भइरहेको छ । स्थायी युद्धविराम सुनिश्चित गर्ने अर्को चरणको वार्ता अझै रोकिएको ।