लागू औषधसहित अत्तरियाबाट २ युवती र एक युवक पक्राउ

कैलाली : कैलालीको अत्तरियाबाट लागू औषध सहित २ युवती र एक युवक पक्राउ परेका छन् । शुक्रवार राती गोदावरी नगरपालिका – २ अत्तरियाको पहाड रोडबाट बाँकेको नेपालगन्ज उपमहानगरपालिका–  १८ घर भई हाल गोदावरी नगरपालिका – २  मा कोठा गरी बस्ने २५ वर्षीय ट्युङ्कल शाह, दार्चुलाको शैल्यशिखर नगरपालिका – २ का २० वर्षीय सागर ठगुन्ना र बझाङको जयपृथ्बी नगरपालिका – ७ की ३५ वर्षीय अनु मल्ल पक्राउ परेका हुन ।

सुदूरपश्चिम प्रदेश कार्यालय धनगढीका अनुसार ट्युङ्कल शाहको कोठाबाट १ ग्राम ४६० मिलिग्राम लागू औषध खैरो हेरोइन सहित तीनै जनालाई पक्राउ गरिएको हो । पक्राउ परेका तीनै जनालाई इलाका प्रहरी कार्यालय मालाखेतीमा राखी अनुसन्धान भइरहेको प्रहरीले जनाएको छ ।