प्रधानमन्त्री ओली फागुन २५ गते धनगढी आउने

धनगढी : प्रधानमन्त्री केपी शर्मा ओली फागुन २५ गते धनगढी आउने भएका छन् । सुदूरपश्चिम प्रदेश सभामा विशेष संबोधन र सुदूरपश्चिम विश्वविद्यालयको दीक्षान्त समारोहमा भाग लिन ओली धनगढी आउन लागेका हुन् ।

फागुन २५ गते अर्थात आइतबार दिउँसो १ बजे प्रदेश सभामा सम्बोधनको कार्यक्रम राखिएको छ । सोही दिन कंचनपुरको महेन्द्रनगरमा रहेको सुदूरपश्चिम विश्वविद्यालयको दीक्षान्त समारोहमा पनि प्रमुख अतिथिका रूपमा सहभागी हुने कार्यक्रम रहेको छ ।

सुदूरपश्चिममा रहँदा हुने अन्य कार्यक्रम बारे भने जानकारी गराइएको छैन । ओलीले यस अघि नेकपा नेतृत्वको सरकारको बेला पनि सुदूरपश्चिम प्रदेश सभामा संम्बोधन गरेका थिए । प्रधानमन्त्री ओलीले आज कर्णाली प्रदेशसभामा विशेष सम्बोधनका लागि सुर्खेत पुगेका छन् ।