आज प्रधानमन्त्री ओली सुर्खेत जाँदै !

काठमाडौं : प्रधानमन्त्री केपी शर्मा ओली आज कर्णाली प्रदेशको राजधानी सुर्खेत जाँदैछन् । मध्यपश्चिम विश्वविद्यालयको दीक्षान्त समारोहमा जान लागेका उनले कर्णाली प्रदेश सभालाई विशेष सम्बोधन गर्ने छन् ।

सम्बोधनका लागि मुख्यमन्त्री यामलाल कँडेलले यसअघि काठमाडौँ गएर पत्र हस्तान्तरण गरेका थिए । बिहान ११ बजे सुर्खेत पुगेलगत्तै उनी विश्वविद्यालयको दीक्षान्त समारोहमा सहभागी हुने छन् ।

प्रदेश सभा सचिवालयका प्रमुख सचिव जीवराज बुढाथोकीका अनुसार दिउँसो २ बजे बस्ने छ । मुख्यमन्त्री यामलाल कँडेलले प्रधानमन्त्रीलाई स्वागत गर्ने छन् भने लगतै विशेष सम्बोधन गर्ने छन् ।

सामाजिक विकासमन्त्री घनश्याम भण्डारीका अनुसार त्यस पश्चात् प्रधानमन्त्री ओलीलाई वीरेन्द्रनगर स्थित प्रादेशिक रंगशालाको अनुगमनमा लिइने छ । सुर्खेतको सुरक्षा व्यवस्था कडा पारिएको छ ।