कैलाली : कैलालीमा प्रहरीले भरुवा बन्दुक र काठ सहित २ जनालाई पक्राउ गरेको छ ।
मंगलबार बिहान गौरीगंगा नगरपालिका – १० उदासीपुर सरस्वती सामुदायिक वनबाट बन्दुक र काठ सहित २ जना पक्राउ परेका हुन ।
पक्राउ पर्नेमा कैलारी गाउँपालिका – ८ कृतिपुरका ५० वर्षीय महावीर चौधरी र ४० वर्षीय तेज राम चौधरी रहेको प्रदेश प्रहरी कार्यालय धनगढीले जनाएको छ ।
उनीहरूको साथबाट १ थान भरुवा बन्दुक, छर्रा १० वटा, केप ५ वटा, सानो प्लास्टिकको डिब्बामा बारुद र २ वटा राँगा सहित काठको डल्लबमा लोड गरेको २ गोलिया (१९.०६ क्यू फिट) काठ बरामद गरिएको छ ।
इलाका प्रहरी कार्यालय मसुरिया र सब–डिभिजन वन कार्यालय उदासीपुरबाट संयुक्त रूपमा खटिएको गस्ती टोलीले काठ सब–डिभिजन वन कार्यालय उदासीपुरको जिम्मा लगाएको छ भने हतियार सहित दुवै जनालाई इलाका प्रहरी कार्यालय मसुरियामा राखी थप अनुसन्धान भइरहेको छ ।
प्रतिक्रिया दनुहोस्