पिसाब फेर्न निस्केकी किशोरी करणी गरेको आरोपमा छिमेकी पक्राउ

काठमाडौं : पिसाब फेर्न निस्केकी १५ वर्षिया बालिकालाई करणी गरेको आरोपमा छिमेकी एक यूवा पक्राउ परेका छन ।

पक्राउ पर्नेमा सप्तरीको महादेवा गाँउपालिका ३ का १९ वर्षिय कैला भन्ने सुमित कुमार यादव छन् । प्रहरीका अनुसार उनी पीडीत किशोरीको घर नजिकै किराना पसल संचालन गरी वस्दै आएका छन् ।

अघिल्लो दिन गाउँ घरमै लुकी वसेको अवस्थामा पक्राउ परेका उनलाई सोमवार सप्तरी जिल्ला अदालतबाट म्याद थपेर जबरजस्ती करणी मुद्दामा थप अनुसन्धान भइरहेको प्रहरी उपरिक्षक ढकेन्द्र खतिवडाले जानकारी दिए ।

प्रहरीका अनुसार फागुन १५ गते विहानको समयमा घर बाहिर निस्केको मौका छोपी छिमेकी पसले यादवले उनलाई नियन्त्रणमा लिइ आफनो पसलमा पुर्याएर बलात्कार गरेका थिए ।

“मुख थुनेर पसलमा पुर्याएर पीडित किशोरीले प्रहरीलाई भनेकी छिन, मार्ने धम्की दिदै जबरजस्ती गरे ।” पिडित किशोरीको जाहेरीको आधारमा उनको स्थास्थ्य परिक्षण कार्य सकाई फरार रहेका यादवको खोजतलास गर्दा उनी घरमै लुकी वसेको अवस्थामा पक्राउ परेको प्रहरीको भनाई छ ।

६ दिन अघि सप्तरीको छिन्नमस्ता गाउँपालिका ७ मा पनि छिमेकीद्वारा ५ वर्षिया बालिका बलात्कृत भएकी थिइन् । उक्त घटनामा संलग्न सोही वडा निवासी १९ वर्षिय कुदुस अझै फरार छन । उनको खोजी कार्य भइरहेको प्रहरीले जनाएको छ ।