काठमाडौं । प्रधानमन्त्री केपी शर्मा ओलीको जीवनीमा आधारित किताब सार्वजनिक भएको छ ।
सोमबार दिउँसो राष्ट्रिय सभागृहमा ‘केपी शर्मा ओली : सपना संघर्ष र संकल्प’ नामक पुस्तक लोकापर्ण गरिएको हो ।
पूर्व राष्ट्रपति विद्यादेवी भण्डारीको प्रमुख आतिथ्यतामा उक्त किताब लोकार्पण समारोहमा विभिन्न सांस्कृतिक कार्यक्रम समेत गरिएको थियो ।
चितवनको इच्छाकामना गाउँपालिकाले मौलिक संस्कृतीमा गीत गाएर प्रधानमन्त्री ओलीप्रति सम्मान व्यक्त गरेको थियो । साथै इच्छाकामना गाउँपालिकाका तर्फबाट प्रधानमन्त्री ओलीलाई ‘नरसिङ्गा’ उपहार दिइएको थियो ।
सो समारोहमा प्रधानमन्त्री ओलीले आफैँले बाजा बजाउने प्रयास समेत गरेका थिए । ओलीले मञ्चमा नरसिङ्गा फुक्दैगर्दा माहोल रोमान्चक बनेको थियो ।
त्यस्तै कार्यक्रम सञ्चालक चलचित्र विकास बोर्डका अध्यक्ष दिनेश डिसीले इच्छाकामना गाउँपालिकाको तर्फबाट प्रधानमन्त्रीको सम्मानमा उक्त गीत गाइएको बताएका छन् । उनले आयोजकको आग्रहमा नभइ बाध्यबाधन टोलीले नै प्रधानमन्त्री ओलीको अघि बाध्यबाधनको आग्रह गरेका कारण आफूहरुले समय उपलब्ध गराएको बताए ।
प्रतिक्रिया दनुहोस्