धनगढी : कैलाली र कञ्चनपुरबाट लागू औषध सहित ५ जना पक्राउ परेका छन् । सोमबार कैलालीको धनगढीबाट २ र कञ्चनपुरको भीमदत्त नगरपालिका र पुनर्वासबाट ३ जना पक्राउ परेका हुन । धनगढी उपमहानगरपालिका – ७ जोखरतालका एक किशोरको साथबाट १ ग्राम १६० मिलिग्राम लागू औषध बरामद गरिएको प्रदेश प्रहरी कार्यालय धनगढीले जनाएको छ ।
यस्तै धनगढी उपमहानगरपालिका –३ चौराहाबाट धनगढी उपमहानगरपालिका – १३ का २४ वर्षीय रुस्तम रानाले चलाएको सुपप्र ०१०१२ प २०६२ नम्बरको मोटरसाइकललाई चेकजाँच गर्दा १ ग्राम १०० मिलिग्राम लागू औषध बरामद गरिएको छ । यस्तै भीमदत्त नगरपालिका – ११ को ७ बाट भीमदत्त नगरपालिका – ७ का २२ वर्षीय उमेश खड्का र भीमदत्त नगरपालिका – १ का २८ वर्षीय मनोज कुँवर पक्राउ परेका छन् ।
भरतबाट नेपाल आउने क्रममा चेकजाँच गर्दा उमेश खड्काको साथबाट ०.४६ ग्राम लागु औषध जस्तो बरामद गरिएको प्रहरीले जनाएको छ । यस्तै पुनर्वास नगरपालिका – १ गणेश बस्तीमा स्थानीय २२ वर्षीय सुरेश रानाको घरमा खानतलासी गर्दा ९ ग्राम ६३० मिलिग्राम लागु औषध जस्तो देखिने खैरो धुलो पदार्थ बरामद गरिएको प्रदेश प्रहरी कार्यालय धनगढीले जनाएको छ ।
प्रतिक्रिया दनुहोस्