यस्तो छ आजको मौसम

काठमाडौं : देशका अधिकांश भूभागमा बदली भए पनि अहिले सामान्यतया मौसम सफा छ। मंगलबार कतै पनि वर्षाको सम्भावना भने छैन।

कोशी र गण्डकी प्रदेशको उच्च पहाडी तथा हिमाली भूभागमा हिमपातको सम्भावना रहेको जल तथा मौसम विज्ञान विभागको मौसम पूर्वानुमान महाशाखाले जनाएको छ । पश्चिमी न्यून चापीय प्रणालीको प्रभाव कमजोर हुँदा आज घाम बदली हुने मौसमविद् डेभिड ढकालले जानकारी दिए।

बिहान काठमाडौ उपत्यकाको न्यूनतम तापक्रम ९ डिग्री सेल्सियस मापन भएको छ। भोलिदेखि भने पश्चिमी न्यूनचापीय प्रणालीको प्रभाव पुनः बढ्ने भएको छ, जसले कोशी, गण्डकी र कर्णाली प्रदेशका भूभागहरूमा वर्षा गराउने सम्भावना रहेको मौसम पूर्वानुमान महाशाखाले जनाएको छ ।