काठमाडौं : विभागीय टिम नेपाल पुलिस क्लबलाई हराउँदै त्रिभुवन आर्मी क्लब केपी ओली कप फुटबलको क्वार्टरफाइनल प्रवेश गरेको छ । सोमबार सातदोबाटोस्थित एन्फा कम्प्लेक्समा भएको खेलमा पुलिस क्लबलाई २-० गोलअन्तरले पराजित गर्दै आर्मी क्वार्टरफाइनल प्रवेश गरेको हो ।
खेलको १९औँ मिनेटमा नवयुग श्रेष्ठले गोल गर्दै त्रिभुवन आर्मी क्लबले सुरुवाती अग्रता लिएको थियो । पहिलो हाफमा १-० को अग्रता लिएको आर्मीले दोस्रो हाफमा थप एक गोल गरेको थियो । खेलको ८२औँ मिनेटमा दिनेश हेम्जनले गोल गर्दै आर्मीलाई २-० को सहज जित दिलाएका हुन् ।
यसअघि आइतबार भएको उद्घाटन खेलमा उज्वेकिस्तानको ब्ल्याक बुल्स एफसीलाई टाइब्रेकरमा ४-३ ले हराउँदै एपीएफ क्वार्टरफाइन प्रवेश गरेको थियो ।
राष्ट्रिय युवा संघ नेपालको आयोजनामा जारी प्रतियोगिताको विजेताले १५ लाख ११ हजार र उपविजेताले ५ लाख रुपैयाँ पाउनेछन् । प्रतियोगिताका सर्वोत्कृष्ट खेलाडीले भने एक लाख रुपैयाँ पाउनेछन् ।
प्रतिक्रिया दनुहोस्