धनगढी : धनगढीबाट प्रकाशिन हुुने पश्चिम टुडे दैनिकका प्रधान सम्पादक दीर्घराज उपाध्यायलाई धम्की आएको छ । सुदूरपश्चिम प्रदेशको अस्थायी राजधानी धनगढीमा पत्रकारलाई मेयरका समर्थकले धम्क्याएको भन्दै विरोध गरिएको छ ।
‘धनगढीको उज्यालो : भ्रम र वास्तविकता’ शीर्षकमा लेख प्रकाशित गरेका उपाध्ययलाई धम्की आएको हो । पत्रकार उपाध्यायले लेख प्रकाशित भएपछि धनगढीका मेयरका समर्थकहरुले धम्क्याएको बताएका छन ।
उपाध्यायले आइतबार नै कैलालीका प्रमुख जिल्ला अधिकारी गोगन बहादुुर हमाल र प्रमुख प्रहरी उपरीक्षक (एसपी) पदमबहादुर विष्टलाई समेत भेटेर सुरक्षाको माग गर्दै धम्क्याउनेलाई कारवाहीको माग गरेका छन् । उनले सामाजिक सञ्जालबाट धम्की दिने तीन जनाविरुद्ध जिल्ला प्रहरी कार्यालयमा उजुरी समेत दिएको प्रहरीले जनाएको छ ।
यसैबिच नेपाल पत्रकार महासंघ कैलाली शाखा र पत्रकार महासंघ सुदूरपश्चिम प्रदेश समितिले उपाध्यायलाई धम्क्याएको घटनाप्रती ध्यानाकर्षण भएको जनाउँदै दोषीलाई कारवाहीको दायरामा ल्याउन माग गरेका छन् ।
प्रतिक्रिया दनुहोस्