महाशिवरात्री मेलाका लागि चिटिक्क पारियो ‘पञ्चदेवल शिव मन्दिर’

बैतडी : यस बर्षको महाशिवरात्री मेलाका लागि चिटिक्क पञ्चदेव शिव मन्दिरलाई सरसफाई गरेर चिटिक्क पारिएको छ । बैतडीको दशरथचन्द नगरपालिका-४ मा रहेको पञ्चदेवल शिव धाम सप्तदेवल मन्दिरमा महाशिवरात्री नजिकिँदै गर्दा सरसफाई गरिएको स्थानीय उद्धव सिहले बताए ।

महाशिवरात्री व्रत फागुन महिनाको कृष्णपक्षको चतुर्दशी तिथिको दिन मनाउने गरिन्छ। यसपालिको महाशिवरात्री १४ फागुनमा परेको छ । मन्दिरको प्राङ्गणमा परम्परागतदेखि चल्दै आएको शिवरात्री मेलाका साथै क्रितन र पुजाआजाको कार्यक्रम राखिएको छ ।