बैतडी : शिलंगा स्वास्थ्य चौकी पाटन नगरपालिका-२ बैतडीले पूर्ण खोप सुनिश्चितता घोषणाको तयारी थालेको छ ।
पूर्ण खोप सुनिश्चितताको लागि वडास्तरीय खोप समन्वय समिति, महिला स्वास्थ्य स्वयंसेविका र सरोकारवालाहरुलाई अभिमुखिकरण गरेर घरधुरी सर्वेक्षण समेत सम्पन्न गरेको अनमी सिर्जना नाथले बताइन् । उनले खोप पाउनु पर्ने १ सय २५ घरधुरीमा स्वास्थ्यकर्मी पुगेर खोपकार्ड अनुसार खोप लाएको भेटीएको बताइन् ।
खोप सुनिश्चितता वडा घोषणका लागि स्वास्थ्यकर्मीको टोली घरधुरी सर्वेक्षण गरेको उनले बताइन् । राष्ट्रिय खोप कार्यक्रम अन्तरगत ५९ महिना भित्रका बालबालिकाहरुलाई नियमित खोप लगाए नलगाएको बारेमा सर्वेक्षण गरिएको हो ।
स्वास्थ्य चौकीका अनुसार उक्त उमेर समुहका सबै बालबालिकाहरुलाई खोप लगाइएको छ । पूर्ण खोप सुनिश्चितताको लागि ९५ प्रतिशत बालबालिकाहरुलाई खोप लगाएको हुनुपर्छ ।
वडास्तरीय खोप समन्वय समितिका अध्यक्ष एवं वडा अध्यक्ष महेश प्रशाद पन्तले आफुपनि गाउँघरमा पुग्दा खोप लगाएको वा नलगाएको बिषयमा अभिभावकलाई सोधपुक्ष गर्ने गरेको बताए ।
उनले स्वास्थ्यकर्मी गाउँघरमा पुगे नपुगेको पनि वडाका जनप्रतिनिधीहरुले अनुगमन गरेको बताए । खोप सर्वेक्षणलाई प्रभावकारी भएकाले अब पूर्ण खोप सुनिश्चितता वडा घोषणा गर्ने तयारी अन्तीम चरणमा पुगेको अध्यक्ष पन्तले बताए ।
प्रतिक्रिया दनुहोस्