धनगढी । दाह्री ग्यांग धनगढीले नवौँ वार्षिकोत्सव कार्यक्रम सम्पन्न गरेको छ । धनगढीमा मंगलबार फुटसल प्रतियोगिता तथा सहयोग वितरण कार्यक्रम आयोजना गर्दै दाह्री ग्यांग धनगढीले नवौँ वार्षिकोत्सव कार्यक्रम सम्पन्न गरेको हो ।
मैत्रीपूर्ण फुटसल प्रतियोगितामा दाह्री ग्यांग र रोयल जोरायल क्लबबीच मैत्रीपूर्ण प्रतिस्पर्धा भएको थियो । प्रतिस्पर्धामा रोयल जोरायल क्लब विजयी भएको थियो ।
कार्यक्रममा अफ्टर स्कुलका संस्थापक विश्व विजय खड्का र विशिष्ट अतिथी दधीराम पौडेलको सहभागिता रहेको थियो । त्यस्तै वार्षिकोत्सवको अवसरमा दाह्री ग्यांग धनगढीले स्टिर्ट पज केयर हाउसलाई आवश्यक औषधी र खाद्यान्न सामाग्री वितरण गरेको छ ।
त्यस्तै दाह्री ग्यांगले आफ्नो वार्षिकोत्सव देशभरका विभिन्न जिल्लामा विभिन्न कार्यक्रम आयोजना गरेर तथा सामाजिक सेवाका काम गरेर मनाएको छ ।
“गालामा दारी, काँधमा जिम्मेवारी” नारा सहित २०७२ मा स्थापना भएको दारी ग्याङ एक फेसबुक ग्रुपबाट सुरुवात भएको हो । दारी पाल्ने मान्छेलाई बालबालिका अथवा अन्यहरुले हेर्ने गरेको गलत दृष्टिकोणलाई हटाउनका लागी यो ग्याङको स्थापना भएको हो ।
प्रतिक्रिया दनुहोस्