धनगढी : कैलाली जिल्ला क्रिकेट सङ्घको आयोजनामा धनगढीमा कैलाली प्रिमियम लिग सुरु भएको छ । कैलाली प्रिमियम लिग २०८१ तेस्रो संस्करणको बुधवार प्रदेश सभा सदस्य डम्मरी महरा (रक्षा) ले एक कार्यक्रमका बिच उद्घाटन गरेकी छन् ।
उद्घाटन खेलमा अहिले गोदावरी नगरपालिका र शुक्लाफाँटा नगरपालिका भिड्दै छन् । प्रतियोगिता धनगढीमा रहेको फाप्ला अन्तर्राष्ट्रिय क्रिकेट मैदानमा हुँदै छ । प्रतियोगितामा कैलाली, कञ्चनपुर, डोटी, डडेलधुरा र बाजुराका स्थानीय तहबाट १२ वटा टिमको सहभागिता रहेको छ ।
प्रतियोगिताका विजेतालाई २ लाख, उपविजेतालाई १ लाख, प्लेयर अफ द सिरिजलाई २५ हजार, वेस्ट ब्याट्सम्यानलाई १५ हजार, नवप्रतिभावान खेलाडीलाई १० हजार, प्रत्येक खेलमा प्लेयर अफ द म्याच हुने खेलाडीलाई २ सय सँगै ट्रफी, मेडल र प्रमाणपत्र दिइने आयोजकले जनाएका छन् ।
प्रतिक्रिया दनुहोस्